Home » ঐতিহাসিক ভাঙাৰা গোঁহাই থানৰ সমীপত দীপৰ বিলৰ পাৰত বনভোজথলী উদ্বোধন

ঐতিহাসিক ভাঙাৰা গোঁহাই থানৰ সমীপত দীপৰ বিলৰ পাৰত বনভোজথলী উদ্বোধন

by admin
391 views

গুৱাহাটী , ২ ডিচেম্বৰ : প্ৰতি বছৰৰ দৰে এইবেলিও শীতকাল আৰম্ভ হোৱাৰ লগে লগে ৰাজ্যৰ আন বনভোজথলীৰ দৰে গুৱাহাটীৰ গাতে লগা দীপৰ বিললৈও বনভোজ খাবলৈ অহা লোকক আদৰিবলৈ সাজু হৈছে বিলৰ কাষৰীয়া অগ্ৰণী সামাজিক সাংস্কৃতিক আৰু ক্ৰীড়া সংগঠন দেউচতাল নৱজ্যোতি সংঘ ।এই উপলক্ষে আজি দীপৰ বিলৰ দাঁতিৰ ঐতিহাসিক শ্ৰী শ্ৰী ভাঙাৰা গোঁসাই থানৰ লগত থকা বনভোজথলীটো উদ্বোধন কৰা হয় । সংঘৰ কৰ্মকর্তা আৰু স্থানীয় বহুসংখ্যক লোকৰ উপস্থিতিত বনভোজথলী মুকলি কৰে আজাৰা গাঁও পঞ্চায়তৰ সভানেত্ৰী কবিতা বড়ো ৰংপীয়ে ।এই উপলক্ষে সংঘৰ সভাপতি বলেশ্বৰ ৰংপীয়ে আঁত ধৰা চমু অনুষ্ঠানত কবিতা বড়ো ৰংপীয়ে প্ৰাকৃতিক সৌন্দৰ্য্যৰে ভৰপূৰ দীপৰ বিলৰ পাৰৰ বনভোজথলীত সকলো লোকে নীতি নিয়ম মানি বনভোজ খোৱাৰ লগতে প্ৰকৃতিৰ সৈতে একাত্ম হব বুলি আশা ব্যক্ত কৰে । অনুষ্ঠানত আজাৰা গাওঁ পঞ্চায়তৰ সদস্যদ্বয় হীৰেণ ইংতি আৰু দীনেশ বড়ো , দেউচতাল মহিলা সমিতিৰ সভানেত্ৰী দিপালী ক্ৰৌ , সম্পাদিকা কল্পনা ৰংপী , সদস্য ৰুমী শৰ্মা , সমাজকৰ্মী ক্ৰমে কেষ্টৰাম ৰংপী , প্ৰণৱজ্যোতি বৈশ্য ( বাপন ) , অশোক থাপা , গণেশ লিম্বুকে ধৰি কেবাজনো বিশিষ্ট লোক উপস্থিত থাকে । উল্লেখযোগ্য বনভোজথলীত সংঘৰ ফালৰ পৰা সকলো দলকে বিশুদ্ধ খোৱাপানী , বাহন ৰখাৰ বাবে পাকিং ব্যৱস্থা , প্ৰস্ৰাৱগাৰ আদিৰ সা-সুবিধা উপলব্ধ কৰা হব । সমান্তৰালভাৱে চাফ চিকুণৰ ব্যৱস্থা কৰা হৈছে । ইয়াৰ বাবে বনভোজ দল সমূহৰ পৰা ৰচিডৰ বিনিময়ত সামান্য মাচুল হিচাপে সংগ্ৰহ কৰা হব ।

Related Posts

Leave a Comment